Көңіл-күй сыйлау: "Мен туралы бәрі"

КМҚК “№174 бөбекжай-балабақшасы”.

Бала қандай көңіл-күйде екенін сөзбен жеткізе алады: «қорқып тұрмын», «қуаныштымын».

«Сен қуанған сияқтысың!» деп сезімін атаңыз — бала өзін түсінгендей болады.

Эмоцияны жоққа шығармау: «Қорқып тұрсың ба?» деп қабылдаңыз, «қорықпа» деп айтпау керек.

Сурет салу, мүсін жасау, ойын арқылы сезімін білдіруге мүмкіндік беріңіз.

Рөлдік ойындар мен қуанышты/қорқынышты сәттерді сахналау балаға эмоцияны жеңіл қабылдауға көмектеседі.

Музыка немесе би арқылы эмоцияны білдіруге болады: көңілді әуенмен қуанышын көрсету, жай әуенмен тынышталу.

«Не болды?» деп ашық сұрақ қойыңыз.

Шағымына немесе қуанышын бөліскеніне жылы қабылдаумен жауап беріңіз.

Бала әңгімесін бөлмей, көзіне қарап тыңдау — сенімділікті арттырады.

Қолдау, құшақтау, жылы сөз балаға қауіпсіздік сезімін береді.«Сенің сезімің маңызды», «Мен саған көмектесемін» деген сөздерді қолданыңыз.

Бала өз эмоциясын реттей алмай қалған сәтте тыныш, сабырлы болыңыз, эмоциясын атаңыз: «Сен ашуланып тұрсың, бірге тынышталайық».

Балаға эмоциясын білдіруге тұрақты уақыт бөліңіз: күнделікті әңгіме, сурет салу, ойын арқылы.

«Күнделік эмоциялар» сынды кішкентай дәптер немесе сурет арқылы өз сезімін көрсетуге мүмкіндік жасаңыз.

Бала өз эмоциясын түсінуі — сенімді, ашық және бақытты тұлға қалыптастырудың негізі.

Қуаныш: бөлісуді үйрету, рахмет айту.

Қорқыныш: тыныс алу жаттығуы, сүйікті ойыншықпен тынышталу.

Ашу: қағазға сурет салу, қауіпсіз қозғалыс арқылы шығару (секіру, доп лақтыру).

Қайғы: сөйлесу, жылы сөз, құшақтау, сүйікті затқа сүйену.

Балаға эмоцияларын атауға, сезінуге, бөлісуге жағдай жасаңыз.

Кішкентай жетістіктерін атап өтіп, мақтаңыз: «Сен ашуланғаныңды айттың, керемет!»

Эмоцияларды түсіну арқылы бала әлеуметтік дағдыларды да үйренеді: кезек күтуді, бөлісуді, өз сезімін басқаруды.